काठमाडौँ । प्रहरी प्रधान कार्यालयले बर्दी लगाएर टिकटक भिडिओ बनाउने प्रहरीलाई कारबाही गरेको छ ।
प्रधान कार्यालयले बर्दी लगाएर भिडिओ बनाउने र सामाजिक सञ्जालमा राख्ने २०८ जना प्रहरीलाई कारबाही गरेको हो।
२०७७ सालदेखि चालु आर्थिक वर्षको असार २२ गतेसम्म बर्दी लगाएर टिकटक हाल्ने २०८ जना प्रहरीलाई कारबाही गरिएको डिआइजी कुबेर कडायतले जानकारी दिए।
२०७७/७८ मा ८२ जना, २०७८/७९ मा ३० जना र २०७९/८० मा ९६ जना प्रहरीलाई कारबाही गरिएको डिआइजी कडायतले जनाए।
यसअघि प्रधान कार्यालयले अनुमति नलिई भिडिओ, चलचित्र, टेलिचलचित्र, टिकटक भिडिओ बनाएको पाइएमा कारवाही गर्ने चेतावनी दिएको थियो।
