काठमाडौँ । काठमाडौँ महानगरपालिकाले कक्षा ११ मा छात्रवृत्तिमा पढ्न चाहने विद्यार्थीका लागि साउन २० गते परीक्षा सञ्चालन गर्ने भएको छ ।
महानगरले आज एक सूचना जारी गर्दै असार २८ गते आज विहान १० बजेदेखि साउन १२ गते राति ११ः५९ बजेसम्म छात्रवृत्तिका लागि आवेदन दिन आग्रह गरेको छ ।
कक्षा ११ मा अध्ययनका लागि विद्यार्थीहरुले अनलाइनमार्फत आवेदन दिनसक्नेछन् । अनलाइनबाट आवेदन दिएकाहरुको परीक्षा साउन २० गते विहान ११ बजेदेखि १ बजेसम्म हुनेछ ।
