दाङ। रोल्पाको रून्टीगढी गाउँपालिकाका वडाध्यक्षको ‘स्क्रब टाइफस’ संक्रमणबाट मृत्यु भएको छ।
रून्टीगढी गाउँपालिकाका वडा नं. ४ का वडाध्यक्ष टंकबहादुर पुनको उपचारका क्रममा बुधबार दाङको घोराहीस्थित राप्ती स्वास्थ्य विज्ञान प्रतिष्ठानमा मृत्यु भएको हो ।
पुन असार २५ गते प्रतिष्ठानमा उपचारका लागि भर्ना भएका थिए । स्वास्थ्यमा सहज भएपछि प्रतिष्ठानले उनलाई घर पठाएको थियो। तर,फेरी गाह्रो भएपछि पुन २६ गते अस्पताल भर्ना भएका थिए। पछि स्वास्थ्यमा गम्भिर देखिएपछि उनलाई भेन्टिलेटरमा राखेर उपचार गरिएको थियो ।
प्रतिष्ठान प्रशासनले’ स्क्रब टाइफस’का कारण वडाध्यक्षको मृत्यु भएको पुष्टि गरेको छ। पुन गत स्थानीय निर्वाचनमा नेपाली कांग्रेसबाट वडाध्यक्षमा निर्वाचित भएका थिए।
