एजेन्सी । सम्बन्धमा माया र विश्वास दुईवटा यस्ता चिज हुन् जसले वर्षौंदेखि एकअर्कालाई बाँधेर राख्छन्, जहाँ यीमध्ये कुनै एक कुराको कमी भएमा सम्बन्धलाई अगाडि बढाउन चुनौती जस्तो देखिन्छ ।
आजकल झगडाका, कुटपिट र सम्बन्ध विच्छेदका घटनाहरु धेरै देख्न थालेका छन्, यसको एउटा कारण यो हो कि हामीले पार्टनरका केही बानीलाई बेवास्ता गरिरहने गर्छौं । जसले पछि तपाईको सम्पूर्ण जीवनलाई असर गर्न सक्छ । त्यसैले त्यसलाई बेवास्ता नगर्नुहोस् ।
झूटो बोल्नु
सम्बन्धमा विश्वास धेरै महत्त्वपूर्ण हुन्छ । यसलाई सम्बन्धको आधार मानिन्छ । तर यदि तपाइँलाई तपाइँको पार्टनरले तपाइँसँग अनावश्यक झूट बोलेको महसुस गर्नुहुन्छ र तपाइँ उसलाई धेरै पटक झुटो बोलेको भेट्नुभएको छ भने, सम्बन्धलाई पछ्याउने कुनै कारण छैन । सानो झुट कहिले धोकाको ठुलो कारण बन्छ थाहा पनि हुँदैन । यस्तो सम्बन्ध समाप्त गर्न राम्रो हुनेछ ।
एक्स (पूर्व प्रेमि–प्रेमिका)को बारेमा कुरा गर्नु
कसैसँग सम्बन्धमा रहनु गलत कुरा होइन । तर यदि उनी अहिले तपाईंसँग छन् तर अझै पनि आफ्नो एक्सको सम्झना वा तपाईंसँग उसको तुलना गरिरहेको छ भने, यो बानीलाई सहन आवश्यक छैन । किनकि पछि यसले सम्बन्ध बिगार्न सक्छ । यस्तो सम्बन्धबाट बाहिर निस्कनु राम्रो हुनेछ ।
हरेक समय झगडा मात्र
यदि तपाइँको पार्टनरले हरेक सानो कुरालाई झगडाको बिन्दु बनाउँछन् भने, बुझ्नुहोस् कि उनी यो सम्बन्धलाई अगाडि बढाउन चाहँदैनन् र तपाइँबाट अलग हुने बहाना खोजिरहेका छन् । जहिले पनि झगडाले फरक प्रकारको मानसिक समस्या दिन्छ । त्यसलाई लामो समयसम्म सहनुको सट्टा यस्तो व्यक्तिबाट टाढा रहनु नै बुद्धिमानी हुन्छ ।
