काठमाडौं । मनाङ एयरको हेलिकप्टर दुर्घटनामा परी पाँच जनाको मृत्यु भएको छ ।
मनाङ एयरको कल साइन ९एनए–एमभी भएको हेलिकोप्टर सोलुखुम्बुको लिखुपिके गाउँपालिकास्थित लाम्जुरापासमा दुर्घटना हुँदा पाँच जनाको मृत्यु भएको हो । हेलिकोप्टरमा सवार छ जनामध्ये एक जना बेपत्ता छन् ।
अहिलेसम्म ५ वटा शव भेटिएको र उनीहरुको पहिचान हुन बाँकी रहेको घटनास्थलमा रहेका प्रहरी सहायक निरीक्षक निराजन बस्नेतले जानकारी दिए ।
सोलुखुम्बुको सुर्केबाट विहान ९:५२ बजे काठमाडौँका लागि उडेको हेलिकप्टर १०:१ बजे सम्पर्कविहीन भएको थियो । हेलिकप्टरमा पाँच जना यात्रु मेक्सिकन नागरिक छन् भने एकजना नेपाली चालक टेकबहादुर गुरूङ सवार छन्।
प्रहरी र उद्धारकर्मीले उद्धारको काम जारी राखेका छन् ।
