काठमाडौँ । आइएमई लाइफ इन्स्योरेन्सको आइपीओमा आवेदन दिने आज अन्तिम दिन हो । कम्पनीले असार २१ गतेदेखि सर्वसाधारणलाई प्रिमियम मूल्यमा आइपीओ निष्कासन गरेको थियो ।
सीडीएसका अनुसार असार २४ गते साँझ ५ बजेसम्म कम्पनीको आइपीओमा कूल ९ लाख ४० हजार ८१२ जनाले १ करोड १७ लाख ६९ हजार ५० कित्ताका लागि आवेदन दिइसकेका छन् । यो मागभन्दा १।२२ गुणा बढी आवेदन हो ।
कम्पनीले जारी पुँजी रु ४ अर्बको ३० प्रतिशतले हुन आउने कुल रु १ अर्ब २० करोडको आइपीओ निष्कासन गरेको थियो । कम्पनीले प्रतिकित्ता रु १३६ दशमलव ९१ प्रिमियम थप गरेर रु २३६ दशमलव ९१ का दरले १ करोड २० लाख कित्ता आइपीओ बिक्रीमा ल्याएको छ ।
घोराही सिमेन्ट
घोराही सिमेन्टको आइपीओमा आवेदन दिने आज हो । कम्पनीले असार २२ गतेदेखि स्थगित आइपीओ पुनः बिक्रीमा ल्याएको हो । सीडीएसका अनुसार आइतबार साँझ ५ बजेसम्म ६ लाख ३१ हजार ३२८ जना आवेदकले २ करोड ४७ लाख ४३ हजार ६०० कित्ताका लागि आवेदन दिइसकेका छन् ।
कम्पनीले १ सय अंकित मूल्यमा रु ३३५ प्रिमियम थप गरेर आइपीओ निष्कासन गरेको हो । जसअनुसार प्रतिकित्ता रु ४३५ का दरको कुल ६९ लाख ११ हजार ६७० कित्ता आइपीओ सर्वासाधारणका लागि बिक्रीमा ल्याएको छ ।
यसअघि कम्पनीले जेठ ३२ गतेदेखि सर्वसाधारणको लागि आइपीओ जारी गरेको थियो । कम्पनीले आइपीओ जारी गरेको ५औं दिनमा धितोपत्र बोर्डले असार ४ गते आइपीओ निष्कासन प्रक्रिया स्थगित गरेको थियो ।
