काठमाडौँ । मनसुन सुरु भएयता हालसम्म ७३ वटा सडकमा क्षति पुगेको छ । सडक विभागका अनुसार हालसम्म क्षति पुगेका सडकमध्ये ५७ वटामा दुईतर्फी सडक सञ्चालनमा आइसकको छ भने १६ वटामा पूर्णरुपमा सञ्चालन आउन सकेको छैन ।
विभागका अनुसार हाल ३ वटा सडक पूर्णरुपमा अवरुद्ध छन् भने १३ वटा सडक एकतर्फी रुपमा सञ्चालन गरिएको छ ।
सडक विभागका अनुसार केचना चन्द्रगढी-चारआली-इलाम-फिदिम, गणेशचोक-ताप्लेजुङ्ग-ओलाङचुङ्गोला (मेची राजमार्ग) पूर्णरुपमा अबरुद्ध भएको छ । साथै चतरा-मुलघाट-माझीटार-अमरापुरडाँडा-गणेशचोक (तमोर करीडोर) र रानी-विराटनगर-इटहरी-धरान-धनकुटा-हिले, लेघुवाघाट-तुम्लिङ्गटार-खाँदवारी-नुम-किमाथाङ्का (कोशी राजमार्ग) पनि अवरुद्ध छ ।
