काठमाडौँ । मंगलबार साँझ सामान्य विवादका क्रममा गोली चल्दा एक जना गम्भीर घाइते भएका छन् ।
जिल्ला प्रहरी कार्यालय महोत्तरीका प्रहरी प्रवक्ता तथा प्रहरी नायव उपरीक्षक दिलिपकुमार गिरीका अनुसार ३८ वर्षे कौशल मण्डलले महोत्तरीकै रामगोपालपुर नगरपालिका वडा नं १ बसबिट्टीका ४४ वर्षे श्रवण यादवमाथि गोली प्रहरी गरेका हुन् ।
यादव गम्भीर घाइते भएका छन् । मण्डलले यादवमाथि दुई राउण्ड गोली प्रहार गरेका थिए । यादवको कञ्चट र दाहिने कुममाथि गोली लागेको छ । गम्भीर घाइते भएका उनलाई उपचारका लागि जनकपुरको जानकी हेल्थकेयरमा ल्याइएको छ ।
प्रहरीले मण्डललाई उनले प्रयोग गरेको पेस्तोलसहित घटनास्थलबाट प्रक्राउ गरिसकेको छ ।
