काठमाडौँ । स्थानीय तहले हरेक वर्षको असार १० गतेभित्र आफ्नो सभामा आगामी आर्थिक वर्षको नीति तथा कार्यक्रम र बजेट पेस गनुपर्ने कानूनी व्यवस्था भए पनि ४२ वटा स्थानीय तहले तोकिएको मितिभित्र सभामा बजेट पेस गर्न सकेनन् ।
कुन ७५३ स्थानीय तहमध्ये २९३ वटा नगरपालिका छन् । नेपाल नगरपालिका संघका अनुसार तीमध्ये १३ वटा नगरपालिकाले असार १० गतेभित्र बजेट पेस गर्न सकेनन् । त्यस्तै ४३६० वटा गाउँपालिकामध्ये २९ वटा गाउँपालिकाले गाउँ सभामा आगामी आर्थिक वर्षका लागि बजेट पेस गर्न नसेकेको गाउँपालिका महासंघले जनाएको छ ।
छ वटा महानगरपालिका रहेकोमा तीनले भने तोकिएको समयभित्रै बजेट ल्याएका छन् । गाउँपालिका राष्ट्रिय महासंघ नेपालका कार्यकारी निर्देशक राजेन्द्रप्रसाद प्याकुरेलले स्थानीय तहका विभिन्न कठिनाइले गर्दा कानूनले तोकिएको समयसीमाभित्र बजेट सभामा पेस गर्न नसकेको बताउनुभयो ।
उहाँका अनुसार दुर्गम स्थानीय तहमा प्रमुख प्रशासकीय अधिकृतको अनुपस्थिती हुनु, स्थानीय तहका प्रमुख अस्वस्थ हुनु, कतिपय स्थानीय तहमा प्रतिनिधित्व गर्ने राजनीतिक दलको विवाद कायम हुनु, प्रमुख र उपप्रमुखबीचको आन्तरिकद्वन्द्व रहेकाले ती स्थानीय तहले आगामी वर्षका लागि नीति तथा कार्यक्रम र बजेट सभामा पेस गर्न नसकेका हुन् ।
