काठमाडौँ । प्रहरीले वानएक्स बेटको प्रचार गरेको आरोपमा थप एक युट्युबरलाई पक्राउ गरेको छ ।
काठमाडौं उपत्यका अपराध अनुसन्धान कार्यालयले युट्युबर राजकुमार तामाङलाई पक्राउ गरेको हो । उनी युट्युबमा राजकुमार थापा मगरको नामबाट परिचित छन् ।
काभ्रे घर भई काठमाडौंको बुढानिलकण्ठ बस्ने २२ वर्षीय उनलाई प्रहरीले कपनबाट गत शुक्रबार पक्राउ गरेको जनाएको छ ।
उनले पनि वान एक्स बेटिङको प्रचार–प्रसार गरेको आरोप छ। थापामगर युट्युबमा मोटो–ब्लगिङ गर्दै आएका थिए । उनलाई थप अनुसन्धानका लागि प्रहरी परिसर काठमाडौँ लगिएको छ ।
यसअघि प्रहरीले आठ जना कलाकार एवं युट्युबरलाई पक्राउ गरिसकेको छ ।
