एजेन्सी । संसारमा हरेक दिन विभिन्न प्रकारका समाचार आउँछन् । तर के तपाईंले कहिल्यै पुरुष गर्भवती भएको सुन्नु भएको छ ? यस्ता घटना सुने वा थाहा पाएपछि पत्याउनै नसक्ने हुन्छ । विज्ञानसँग पनि यस्ता घटनाको जवाफ छैन ।
यसैबीच छिमेकी राष्ट्र भारतको महाराष्ट्रबाट निकै अचम्मको खबर बाहिर आएको छ । राज्यको नागपुरमा एक केटा गर्भवती भएको देखिन्थ्यो । शल्यक्रियापछि अहिले उनको पेटबाट यस्तो कुरा निस्किएको छ, जसको कल्पना पनि गर्न सकिँदैन । मानिसहरु अनौठो नजरले उनको फुलिएको पेटलाई हेर्ने गर्थे ।
मिडिया रिपोर्टका अनुसार यो घटना नागपुर निवासी सञ्जु भगतसँग भएको हो । यो कुरा थाहा पाएर डाक्टरहरु पनि अचम्ममा परेका छन् । भगतको बाल्यकाल एकदम सामान्य थियो, तर भगतको पेट अन्य बच्चाहरूको तुलनामा धेरै फुलेको थियो । उनले र उनका आफन्तले त्यता ध्यान दिएनन् तर बिस्तारै पेट बढ्दै गयो । त्यसपछि परिवारका सदस्यको चिन्ता बढ्यो ।
सञ्जु भगतको पेट यति फुल्यो कि मानिसहरूले उनलाई गर्भवती पुरुष भन्न थाले । आफ्नो फुलेको पेट देखेर भगतलाई अनौठो लाग्थ्यो तर सन् १९९९ सम्ममा पेट यति बढ्यो कि सास फेर्न गाह्रो भयो । यसपछि सञ्जुलाई अस्पतालमा भर्ना गरिएको थियो ।
बिरामीलाई ट्युमरको समस्या भएको चिकित्सकहरुले सोचेका थिए तर शल्यक्रिया गर्न पेट खोल्दा भित्रको दृश्य देखेर डाक्टरहरु छक्क परे । पेटमा ट्युमरको सट्टा अर्कै कुरा भएकोले यस्तो भएको हो । यो कुरा थाहा पाएर तपाईलाई विश्वास नलाग्न सक्छ ।
रिपोर्टका अनुसार डाक्टरहरूले पेटमा हात हाल्दा धेरै हड्डीहरू भेटिएका थिए । डाक्टरहरूले पहिले एउटा खुट्टा, त्यसपछि अर्को खुट्टा, कपाल, हात, बङ्गारा र शरीरका अन्य धेरै अंगहरू फेला पारे । यो घटना देखेर डाक्टरहरु छक्क परे ।
डाक्टरहरूले यो घटनालाई वेनिसिङ ट्विन सिन्ड्रोमको रूपमा वर्णन गरेका छन् । यसको मतलब यो हो कि जुम्ल्याहा बच्चाहरु गर्भावस्थाको समयमा मरेका थिए । तर ती पेटभित्रै रहन पुगे । यो घटना अत्यन्त दुर्लभ छ र पृथ्वीमा ५० लाख मानिस मध्ये एकमा हुने सम्भावना हुन्छ ।
