काठमाडौँ । प्रतिनिधिसभाको बैठक बस्दैछ । विहान १० बजे बस्ने तय भएको बैठकमा विनियोजन विधेयक, २०८० का विभिन्न शीर्षकहरुको छलफल अन्तर्गत उपराष्ट्रपतिको कार्यालयका विभिन्न शीर्षकमाथि छलफल हुनेछ ।
साथै आज बैठकमा सांसद अमरेशकुमार सिंह, भगवती चौधरी र प्रेम सुवालले गर्नुभएको खर्च कटौतीको प्रस्ताव पेश हुनेछ ।
त्यसपछि विभिन्न आठ मन्त्रालयका मन्त्रीहरुले छलफलका क्रममा उठेका प्रश्नहरुको जवाफ दिनुहुने सम्भावित कार्यसूची छ ।
जसमा आजको बैठकमा गृह मन्त्रालय, वन तथा वातवारण मन्त्रालय, महिला, बालबालिका तथा ज्येष्ठ नागरिक मन्त्रालय, युवा तथा खेलकुद मन्त्रालय, शहरी विकास मन्त्रालय, उद्योग वाणिज्य तथा आपूर्ति मन्त्रालय, भौतिक पूर्वाधार तथा यातायात मन्त्रालय, सञ्चार तथा सूचना प्रविधि मन्त्रालयका मन्त्रीहरुले जवाफ दिनुहुने कार्यसूची छ ।
