एजेन्सी । अनिल कपुरले बलिउड उद्योगमा ४० वर्ष पूरा गरेका छन् । यसै अवसरमा अनिलले आफ्नो डेब्यू फिल्म ‘वो सात दिन’ को एक क्लिप सामाजिक सञ्जालमा सेयर गरेका छन् । यससँगै उनले एक भावुक नोट पनि सेयर गरेका छन् ।
यो सेयर गर्दै अनिलले क्याप्सनमा लेखेका छन्, ‘आज मैले एक अभिनेता र मनोरन्जनकर्ताको रूपमा ४० वर्ष पूरा गरेको छु । दर्शकहरु द्वारा स्वीकृत र माया गरिएको ४० वर्ष । भनिन्छ कि जब तपाईं आफ्नो मनपर्ने काम गर्नुहुन्छ, समय धेरै छिटो बित्छ । यो मेरो लागि अचम्मको कुरा होइन कि उद्योगमा मेरो ४ दशकहरू आँखा झिम्काइमा उड्यो । मलाई थाहा छ म यसका लागि बनेको हुँ र मैले गर्नुपर्ने काम यही हो ।’
अन्त्यमा अनिलले लेखेका छन्, ‘यी ४० वर्ष पूरा भएको अवसरमा म ‘द नाइट म्यानेजर पार्ट २’ र ‘एनिमल’ गरी दुईवटा विशेष अवतारमा तपाईहरूसमक्ष आउँदैछु । आशा छ तपाईंले मलाई सधैं गरिरहनुभएको माया र साथ दिनुहुनेछ ।’
