एजेन्सी । साउथ अभिनेता रामचरण र उपासनाले भर्खरै आफ्नो जीवनमा नयाँ खुशीको स्वागत गरेका छन् । आरआरआर अभिनेताकी श्रीमतीले २० जुन २०२३ मा हैदराबादको एपोलो अस्पतालमा छोरीलाई जन्म दिइन् ।
हजुरबुवा चिरञ्जीवीले आफ्नो घरमा लक्ष्मीको आगमनमा आफ्नो खुशीलाई थाम्न सकेनन्, पुष्पा फेम एक्टर अल्लु अर्जुनले ट्वीटरमा दम्पतीलाई बधाई दिएपछि आफ्नो भान्जीलाई भेट्न सिधै अस्पताल पुगे ।
शिशु जन्मेको तीन दिनपछि उपासना कामिनेनी अहिले अस्पतालबाट डिस्चार्ज भएकी छन् । रामचरण आफ्नी छोरी र श्रीमतीलाई लिएर अस्पतालबाट घर फर्किने बित्तिकै मानिसहरूले उनीहरुमाथि फूलको वर्षा गरे ।
हामी सबैलाई थाहा छ कि साउथ इन्डस्ट्रीमा रामचरणको ठूलो फ्यान फलोइङ छ । उनीहरुको घरमा छोरीको जन्मको खबर आउने बित्तिकै हैदरावादको एपोलो अस्पताललाई गुलाबी रंगमा परिणत गरिएको थियो । अहिले भर्खरै अर्को भिडियो सार्वजनिक भएको छ, जसमा रामचरण र पत्नी उपासना आफ्नो छोरीसँग पहिलो पटक सार्वजनिक रूपमा देखा परेका छन् ।
