काठमाडौँ । राष्ट्रिय स्वतन्त्र पार्टी (रास्वपा) ले आज पहिलो वार्षिकोत्सव मनाउँदैछ ।
सो अवसरमा पार्टीले बालाजुस्थित नयाँ पार्टी कार्यालयमा आज दिउँसो १ बजे चियापान कार्यक्रम आयोजना गरेको छ । चियापानमा आमन्त्रित अतिथीलाई मकै भटमास , मोही गुदपाँक योमरी लगायत खाजाको व्यवस्था गरिएको केन्द्रिय सदस्य दिपक बोहोरालो जानकारी दिनुभयो ।
पार्टी स्थापना भएको एक वर्ष पुगेको अवसरमा विभिन्न राजनीतिक दलका शीर्ष नेताहरुलाई निमन्त्रणा गरिएको छ । प्रधानमन्त्री पुष्पकमल दाहाल पनि चियापानमा सहभागी हुने कार्यक्रम छ । रास्वपाले पूर्वप्रधानमन्त्री, संवैधानिक निकायका प्रमख, कुटनीतिक नियोगका प्रतिनिधिलगायत उपस्थित हुने बुझिएको छ ।
