एजेन्सी । प्रभास र कृति सेनन अभिनित फिल्म ‘आदिपुरुष’ लाई लिएर एकातिर चर्को विवाद भइरहेको छ, अर्कोतर्फ यो फिल्मले बक्स अफिसमा दिनप्रतिदिन नयाँ रेकर्ड बनाइरहेको छ ।
पहिलो दिन विश्वभर १४० करोड र दोस्रो दिन १०० करोड कमाएपछि अब तेस्रो दिन यो फिल्मले फेरि १०० करोड कलेक्सन गरेको छ । योसँगै फिल्मले पहिलो विकेन्डमा विश्वभर ३४० करोड कमाएर इतिहास रचेको छ ।
यसैबीच फिल्मका संवाद लेखक मनोज मुन्तासिरले मुम्बई प्रहरीसँग सुरक्षाको माग गरेका छन् । उनले विवादपछि आफू खतरामा रहेको बताएका छन् । मुम्बई प्रहरीले सुरक्षाको मागबारे अहिलेसम्म कुनै निर्णय गरेको छैन ।
शाहरुख खान अभिनित ‘पठान’ पछि मात्र ३ दिनमा ३०० करोड क्लबमा प्रवेश गर्ने ‘आदिपुरुष’ दोस्रो फिल्म बनेको छ । तर, यो क्लबमा प्रवेश गरेपछि पनि फिल्मले ‘पठान’को पहिलो वीकेण्ड कलेक्शनको रेकर्ड तोड्न सकेन । ‘पठान’ ले पहिलो सप्ताहन्तमा ३५१ करोडको विश्वव्यापी कलेक्सन गरेको थियो भने ‘आदिपुरुष’ ११ करोडले पछि परेको छ ।
