काठमाडौँ । ओपनर ब्याट्सम्यान कुशल भुर्तेलले जिम्बावेविरुद्ध अर्धशतक बनाएका छन् । आईसीसी एकदिवसीय विश्वकप छनोट प्रतियोगिता अन्तर्गत घरेलु टोली जिम्बावेविरुद्ध कुशलले अर्धशतक बनाएका हुन् ।
उनले ६३ बलमा अर्धशतक बनाएका हुन् । उनले ८ चौका प्रहार गरे । यससँगै कुशल टेस्ट टिमविरूद्ध एकदिवसीय खेलमा अर्धशतक प्रहार गर्ने नेपालका पहिलो ब्याटर बनेका छन् ।
हरारे स्पोट्र्स क्लबमा टस हारेर ब्याटिङ थालेको नेपाल यो खबर लेख्दासम्म २०.३ ओभरमा विकेट नगुमाई ८६ रनको स्थितीमा छ ।
जिम्बावेविरुद्धको खेल टेस्ट मान्यता प्राप्त राष्ट्रविरुद्ध नेपालको पहिलो एकदिवसीय अन्तर्राष्ट्रिय (ओडिआई) मान्यता प्राप्त खेल रहेको छ ।
