काठमाडौं । श्रीमान्को कुटपिटबाट काभ्रेपलाञ्चोकको नमोबुद्ध नगरपालिका–११ की दलित महिला सदस्य ज्ञानी विकको मृत्यु भएको छ ।
घरायसी झगडाका कारण यही जेठ २९ गते श्रीमान् शम्भु विकको कुटपिटबाट वडा सदस्य ज्ञानी गम्भीर घाइते भएकी थिइन् । उपचारका क्रममा उनको धुलिखेल अस्पतालमा मृत्यु भएको प्रहरीले जनाएको छ ।
कुटपिटबाट उनको टाउकोमा रगत जमेको थियो । धुलिखेल अस्पतालमा परिक्षणको क्रममा टाउकोमा रगत जमेको पाइएपछि उनको शल्यक्रियासमेत गरिएको थियो ।
प्रहरीले ज्ञानीलाई कुटपिट गर्ने उनका श्रीमान् शम्भुलाई पक्राउ गरिसकेको छ ।
ज्ञानी अघिल्लो कार्यकालमा पनि दलित महिला वडा सदस्य निर्वाचित भएकी थिइन् ।
