एजेन्सी । चर्चित डान्स कोरियोग्राफर तथा निर्देशक प्रभु देवा फेरि पिता बनेका छन् । यसबारे जानकारी उनले नै दिएका हुन् । प्रभुले आफ्नी श्रीमती डा हिमानीसँगै छोरीलाई स्वागत गरेका छन् ।
टाइम्स अफ इन्डियासँग कुरा गर्दै प्रभु आफैले यो खबरको पुष्टि गरेका हुन् । उनले भने, ‘हो, यो सत्य हो । म यो उमेर (५०) मा फेरि बुबा बनेको छु । म धेरै खुसी छु र पूर्ण महसुस गरेको छु ।’
प्रभुले आफ्नी छोरी र परिवारसँग बढी समय बिताउन आफ्नो कामको बोझ कम गरेको पनि खुलासा गरे । उनले धेरै हिन्दी, तमिल र तेलुगु फिल्महरू निर्देशन गरेका छन् । सलमान खान अभिनित ‘राधे’ उनको निर्देशनमा बनेको अन्तिम फिल्म थियो ।
पहिलो श्रीमती रामलतासँग सम्बन्धविच्छेद भएको ९ वर्षपछि प्रभुले २०२० मा डा हिमानीसँग दोस्रो विवाह गरेका थिए । प्रभुको पहिलो विवाहबाट ३ सन्तान थिए, जसमध्ये एकको क्यान्सरका कारण मृत्यु भएको थियो । बाँकी दुई सन्तान आमासँगै बस्छन् ।
