काठमाडौँ । नेकपा एमालेका सांसद रघुजी पन्तले नेपालले पनि आफ्नो संसद भवनमा टिस्टा र काँगडा समेटिएको नक्सा टाँस्नुपर्ने बताएका छन्।
प्रतिनिधिसभाको शून्य समयमा बोल्दै पन्तले भारतले सांस्कृतिक र ऐतिहासिक नक्सा भनेर नेपालको भूभाग समेटिएको नक्सा संसद भवनमा टाँसेको विरोधमा नेपालले पनि उक्त नक्सा संसद भवनमा टाँस्नुपर्ने बताएका हुन्।
उनले भने, ‘यदी भारतले सांस्कृतिक र ऐतिहासिक नक्सा भनेर आफ्नो संसदमा राखिराख्न पाउँछ भने हामीले सतलज र राबी नदीसम्म पुगेको सिमाना, टिस्टा र काँगडा सामेल गरेको नक्सा हामीले पनि आफ्नो संसद भवनमा टाङ्दा के हुन्छ’।
पन्तले भारतीय विदेशमन्त्री यश जयशंकरको ‘अखण्ड भारत’को नक्साबारे छिमेकी मुलुकहरूले राजनीतिक रूपमा लिन नहुने भन्ने अभिव्यक्तिबारे सकारको धारणा के हो भनेर प्रश्न समेत गरेका छन्।
