काठमाडौं । प्रमुख प्रतिपक्षी नेकपा एमालेका अध्यक्ष केपी शर्मा ओलीले गाँजा खेतीको सम्भाव्यता अध्ययन गर्ने सरकारको घोषणामाथि प्रश्न उठाएका छन् । मंगलबार बजेटमाथिको सामान्य छलफलमा भाग लिंदै ओलीले देशको आर्थिक स्थिती सुधार्न वैधानिकताको आवश्यक रहेको बताएका हुन् ।
ओलीले गाँजा खेतीको पछाडि कुनै वैधानिकता नरहेको बताउदै भने , ‘‘कसले गर्न खोजिराख्या छ यो गाँजा खेती ? यो कसका लागि गाँजा खेती ? अचम्म लाग्छ यो गाँजा खेती कसलाई चाहियो ?’
उनले सरकारको रेखदेखमा गाँजा खेती गर्ने विषय अनौठो रहेको बताउदै भने, ‘गाँजाको बीउ लिएर बसेको व्यापारी को हो?’ उनको प्रश्न छ । जनताका विषय भन्दा पर यो विषय रहेको उनको जिकिर छ ।
अर्थमन्त्री डा। प्रकाशशरण महतले आगामी आर्थिक वर्षको बजेट प्रस्तुत गर्दै गाँजा खेतीको सम्भाव्यता अध्ययन गर्ने बताएका थिए ।
