• ५ श्रावण २०८१, शनिबार
  •      Sat Jul 20 2024
  •   Unicode
Logo
Latest
★   बंगलादेशमा हिंसा भड्किन थालेपछि करिब ८०० नेपाली विद्यार्थी स्वदेश फर्किए ★   हिंसाग्रस्त बंगलादेशमा अध्ययनरत १७ नेपालीलाई भोलि उद्धार गरी काठमाडौं ल्याइने ★   हनुमन्ते पस्यो बस्तीमा, उच्च सतर्कता अपनाउन आह्वान ★   कांग्रेस संसदीय दलको प्रमुख सचेतकमा घिमिरे ★   द्वारिकाज होटलकी संस्थापक अम्बिका श्रेष्ठको पशुपतिमा अन्त्येष्टि ★   स्मार्ट क्यामराबाट पैदलयात्रीको आवतजावत संख्या तथा घनत्व मापन गरि नयाँ सडकमा पैदल मार्ग विस्तार गर्ने… ★   आर्थिक अनुशासन, पारदर्शिता र जबाफदेहिता सबैभन्दा महत्वपूर्ण: अर्थमन्त्री पौडेल ★   सरस्वती क्लवद्वारा ‘सरस्वती वाटिका’ कोटेश्वरमा वृक्षारोपण ★   सर्पको टोकाइबाट घाइतेको हेलिकप्टरबाट उद्वार ★   लुम्बिनी प्रदेशका मुख्यमन्त्रीले आइतबार विश्वासको मत लिने

हिमालबाट उठ्यो १०९ मेट्रिक टन फोहोर



काठमाडौँ । विश्वको सर्वोच्च शिखर सगरमाथागायतका उच्च हिमाल आरोहणका क्रममा बेवारिसे अवस्थामा फ्याँकिएका आरोहीका सामानसहित १०९ मेट्रिकटन फोहोर नेपाली सेनताले संंकलन गरी व्यवस्थापन गरेको छ ।

हिमाली क्षेत्रको पर्यावरण स्वच्छ र सफा राख्ने सरकारको नीतिअनुरुप सेनाले सन् २०१९ देखि हिमाल सफा अभियान सञ्चालन गर्दै आएको छ । विश्व वातावरयण दिवसको अवसरमा सैनिक मुख्यालय जंगी अड्डामा विशेष समारोहका बीच हिमाल सफा अभियान २०२३ सम्पन्न भएको हो ।

प्रधान सेनापछि प्रभुराम शर्माले हिमाल सफा अभियानमा सहभागी सैनिक टोली, स्थानीय निकाय, शेर्पा समूदाय तथा अभियानमा सहयोग गर्ने विभिन्न व्यक्तिलाई कदरपत्रसहित सम्मान गर्नुभयो । उहाँले हिमाली क्षेत्रको पर्यावरण संरक्षण गर्न सबै उत्तिकै जिम्मेवार बन्नुपर्ने धारणा व्यक्त गर्दै आरोहीले प्रयोग गरेका वस्तु फिर्ता ल्यानै पर्ने कानूनी व्यवस्था गर्न जरुरी भएको धारणा राख्नुभयो ।

माउन्टेनियरिङ एक्पिडिसन अवधारणा अनुरुप सेनाले संकलन गरेको फोहोरलाई कुहिने र नकुहिने वर्गीकरण गरी कुहिनेलाई स्थानीय निकाय र नकुहिने फोहोरलाई पुनः प्रयोग गर्ने कम्पनीको जिम्मा लगाएको छ ।

हिमाल सफाइ गरी पर्यटन तथा वातावरण प्रवर्द्धनमार्फत स्थानीय बासिन्दाको दिगो विकास तथा भावी पुस्ताका लागि हिमाल संरक्षण गर्न हाम्रो हिमाल हाम्रो दायित्व भन्ने नारासहित नेपाली सेनाले हिमाल सफाइ अभियान सुरु गरेको हो ।