काठमाडौं । प्रधानमन्त्री पुष्पकमल दाहाल प्रचण्डले संघिय संसद्को दुबै सदनमा प्रमुख प्रतिपक्ष नेकपा एमाले लगायतका दलहरुले उठाएका विभिन्न प्रश्नहरुको जवाफ दिने संसद् सचिवालयले जनाएको छ ।
प्रधानमन्त्री प्रचण्डले संसदमा सुरुमै प्रष्टीकरण राख्ने तयारी गरेको संसद् सचिवालयले जनाएको हो ।
प्रतिपक्षी दलहरूले प्रधानमन्त्री प्रचण्डको अभिव्यक्ति र नागरिकता विधेयकको विषयलाई लिएर आइतबार सदन अवरोध गरेका थिए । उनीहरले प्रधानमन्त्रीले जवाफ नदिएसम्म संसद् चल्न नदिने चेतावनि दिएका थिए ।
संसद्को अवरोध हटाउन सभामुख देवराज घिमिरेले अहिले केहीबेरमा प्रमुख दलका सचेतकहरूसँग छलफल गर्ने सभामुखको सचिवालयले जनाएको छ ।
यसअघि आइतबार साँझ सभामुख घिमिरेले प्रधानमन्त्री पुष्पकमल दाहाल प्रचण्डसँग टेलिफोन संवाद गर्दै सरकारका तर्फबाट अवरोध हटाउन पहल गर्न आग्रह गरेका थिए ।
