काठमाडौं । प्रधानन्यायाधीश चोलेन्द्र शमशेर जबराले संवैधानिक इजलास नेपालको संविधानको धारा १३७ ले दिएको अधिकार प्रयोग गरेर नै गठन गरेको बताएका छन् ।
सरकारी पक्षका वकिलहरूले इजलास गठनबारे प्रश्न उठाएपछि प्रधानन्यायधीश जबराले यस्तो जवाफ फर्काएका हुन् ।
'संविधानको धारा १३७ हेर्नुस्, प्रधानन्यायाधीश र न्याय परिषद्को सिफारिशमा प्रधानन्यायाधीशले तोकेका अन्य ४ जना न्यायाधीश रहने भन्ने उल्लेख छ । त्यसै आधारमा रोस्टरभित्रै बाट इजलास गठन गरिएको हो' अधिवक्ता परशुराम कोइरालाको प्रश्नको जवाफमा जबराले भने ।
यसअघि महान्यायाधिवक्ता रमेश बडाल, पूर्व महान्यायाधिवक्ता अग्नि खरेलले पनि संवैधानिक इजलास गठन बारे उठाएको प्रश्नको एकमुष्ट जवाफ दिँदै प्रधानन्यायाधीश जबराले थपे – 'सबै ऐन कानूनअनुसार नै बनाएको हो ।'