• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

बेन्जेमाले छाडे रियल मड्रिड



एजेन्सी । फ्रेञ्च फरवार्ड करिम बेन्जेमाले स्पेनिस क्लब रियल मड्रिड छाड्ने भएका छन् । उनले क्लब छाड्न लागेको रियल म्याड्रिडले पुष्टि गरेको छ ।

‘फवार्ड र हाम्रा कप्तान करिम बेन्जेमा हाम्रो क्लबको लागि एक खेलाडीको रूपमा उनको शानदार र अविस्मरणीय अवधि समाप्त गर्न सहमत भएका छन् ।’ क्लबले भनेको छ ।

क्लबसँगको सम्झौता सकिएसँगै बेन्जेमाले यो सिजनको अन्त्यबाट क्लब छाड्न लागेका हुन् । योसँगै बेन्जेमाले आज राति ला लिगाअन्तर्गत एथ्लेटिक क्लबसँग रियलका लागि अन्तिम खेल खेल्नेछन् ।

जारी सिजनको लिगमा उनले रियलका लागि १८ गोल गरेका छन् । सन् २००९ मा रियल मड्रिडमा आबद्ध भएका बेन्जेमाले रियलबाट सबैखाले प्रतियोगितामा ६५७ खेलमा ३५३ गोल गरेका छन् ।

३५ वर्षीय बेन्जेमाले १४ वर्षको अन्तरालमा रियल मड्रिडबाट चार पटक ला लिगा जितेका छन् भने पाँच पटक च्याम्पियन्स लिगको उपाधि उचालेका छन् ।

उनी साउदी अरब जाने चर्चा छ । साउदी प्रो लिग क्लब अल–इतिहाडले उनलाई ३४५ मिलियन पाउण्डमा क्लबमा भित्राउन लागेको चर्चा छ ।