काठमाडौं । राष्ट्रिय प्रजातन्त्र पार्टी(राप्रपा)ले आजको संसद वैठकको कार्यक्रम स्थगत गर्न प्रस्ताव पेश गरेको छ ।
प्रतिनिधिसभा नियमावली २०७९ को नियम ७४ बमोजिम अत्यन्त जरुरी सार्वजनिक महत्वको विषयमाथि छलफल गर्न वैठक स्थगन गर्नुपरेको राप्रपाका प्रमुख सचेतक ज्ञानबहादुर शाहीले बताए ।
प्रस्तावमा राष्ट्रपतिले नीति र नियमविपरित नागरिकता विधेयक प्रमाणीकरण र प्रधानमन्त्रीले भारत भ्रमणमा मुलुकको हितविपरीत कार्य गरेको कुरा उठेकाले यस विषयका छलफल नगरी संसद नियमित रुपमा अगाडि नबढ्ने भएकाले निर्धारित सबै कार्यक्रम स्थगित गर्ने उल्लेख गरिएको छ ।
