काठमाडौं । लगातार रेकर्ड बे्रक गरिरहेको सुनको मूल्य आज तोलामा १७ सय रुपैँयाले घटेको छ ।
आज आइतबार छापावाल सुन तोलामा १७ सय रुपैयाँले घटेर १ लाख ११ हजार ६ सय रुपैयाँ कायम भएको नेपाल सुनचाँदी व्यवसायी महासंघले जनाएको छ । अघिल्लो कारोबारमा उक्त सुन प्रतितोला १ लाख १३ हजार ३ सय रुपैयाँ कायम भई हालसम्मकै उच्च दरमा कारोबार भएको थियो ।
यस्तै, आज तेजाबी सुन प्रतितोला १ लाख ११ हजार ५० रुपैयाँमा कारोबार भइरहेको छ । शुक्रबार उक्त सुन एक लाख १२ हजार ७५० रुपैयाँमा कारोबार भएको थियो ।
त्यसैगरी बाईतबार चाँदी तोलामा २० रुपैयाँले घट्दै प्रतितोला १ हजार ४१५ रुपैयाँ कायम भएको छ ।
