काठमाडौँ । कृषि विकास बैंकले एकै पटक ठूलो संख्यामा जागिर खुलाएको छ । बैंकले आज विज्ञापन प्रकाशित गर्दै चार तहदेखि ९ तहुसम्म जागिर खुलाएको छ । चार तहमा सहायक स्तरको लेखापालदेखि नौ तहको अधिकृत स्तरको वरिष्ठ शाखा प्रमुख पदमा जागिर खुलाएको हो ।
बैंकले नौ तहमा एक जना, ८ तहमा ४ जना, ७ तहमा ७ जना, ६ तहमा ५५ जना, पाँच तहमा ४२ जना र चार तहमा ७२ जनाका लागि जागिर खुलाएको हो । बैंकले आन्तरिक प्रतिष्पर्धातर्फ भने पाँच तहदेखि १० तहसम्म ३६ जना गरी १७९ जनाका लागि जागिर खुलाएको हो । बैंकले खुलामा ९२, महिलामा २८, आदिवासी जनजातितर्फ २७, मधेसी कोटामा १७, दलित ९, अपांग २ र पिछडिएको क्षेत्रतर्फ ४ जनाका लागि जागिर खुलाएको हो ।
बैंकले आगामी असार ७ गतेसम्म इच्छुकले दरखास्त दिन सक्ने उल्लेख गरेको छ । साथै दोब्बर दस्तुर तिर्नेका लागि त्यसपछि असार १४ गतेसम्मका लागि समय छुट्याइएको छ ।
