काठमाडौँ । राष्ट्रिय स्वतन्त्र पार्टी (रास्वपा)का सभापति रवि लामिछानेले राष्ट्रपतिबाट प्रमाणीकरण भएको नागरिकता विद्येयकबारे आपत्ति जनाएका छन् ।
सभापति लामिछानेले नयाँ जनादेशबाट नयाँ संसद बनेको ६ महिना भइसक्दा पनि संसदमा छलफल नगरी सरकारले राष्ट्रपतिबाट उक्त विद्येयक प्रमाणीकरण गराउनु राष्ट्रहितविरूद्ध रहेको बताएका छन् ।
पूरानै विधेयक सरकारले राष्ट्रपतिबाट प्रमाणिकरण गराउनु राष्ट्रपति जस्तो सम्मानीत संस्थाको गरिमा विपरित रहेको लामिछानेको भनाई छ । यस्तै यो लोकतान्त्रिक संसदीय मुल्य मान्यता र राष्ट्रहितविरूद्ध पनि रहेको उनले बताएका छन् ।
उनले भनेका छन् – ‘नयाँ जनादेशबाट नयाँ संसद बनेको ६ महिना भइसक्दा पनि संसदमा छलफल नगराइ, यसरी पूरानै विधेयक सरकारले राष्ट्रपतिबाट प्रमाणिकरण गराउनु राष्ट्रपति जस्तो सम्मानीत संस्थाको गरिमा विपरित , लोकतान्त्रिक संसदीय मुल्य मान्यता र राष्ट्रहितविरूद्ध छ।’
राष्ट्रपति रामचन्द्र पौडेलबाट बुधबार नेपाल नागरिकता ऐन, २०६३ लाई संशोधन गर्न बनेको विधेयक प्रमाणीकरण भएको छ ।
