काठमाडौंः नेपाल वायुसेवा निगमले साविकको अन्तर्राष्ट्रिय कार्गो ढुवानीमा भाडादर १३ देखि १५ प्रतिशत घटाएको छ ।
नेपाल आयल निगमले अन्तर्राष्ट्रिय हवाई इन्धनको मूल्य २० प्रतिशत घटाएसँगै नेपाल वायुसेवा निगमले पनि कार्गो चार्टर्ड भाडादर कटौती गरेको हो ।
वायुसेवा निगमका प्रवक्ता करिश्मा श्रेष्ठद्वारा सोमबार जारी विज्ञप्तिमा आयल निगमले इन्धनको मूल्य घटाएकामा आभार प्रकट गर्दै यसबाट नेपालको पर्यटन क्षेत्रमा समेत सकारात्मक प्रभाव पर्ने जनाइएको छ ।
निगमले सार्वजनिक गरेको भाडादरः
चार्टर्ड दर
विमान साविक (प्रति घण्टा) परिवर्तित (प्रति घण्टा) फरक (प्रति घण्टा) फरक प्रतिशत (प्रति घण्टा)
वाइड बडी १५,५२० डलर १३,४६० डलर २,०६० डलर १३ प्रतिशत
न्यारो बडी ७,७१० डलर ६,५८० डलर १,१३० डलर १५ प्रतिशत
निगमले नियमित अन्तर्राष्ट्रिय उडानहरु सुचारु भएपछि अन्य गन्तव्यहरुको भाडादरमा समेत समायोजन गरिने जनाएको छ ।
