काठमाडौँ । दक्षिण अफ्रिका भ्रमणमा समावेश नभएका क्रिकेटर सन्दीप लामिछानेले नेपाली राष्ट्रिय टीमलाई शुभकामना दिएका छन् ।
उनले सामाजिक सञ्जालमार्फत शुभकामना दिएका हुन् । आज पनि जिल्ला अदालतको सुनुवाइ स्थगित भएपछि सन्दीपले दक्षिण अफ्रिका नजाने निर्णय लिएका थिए ।
सन्दीपविनाको टोली आजै बेलुकी त्यसतर्फ प्रस्थान गर्दैछ । दक्षिण अफ्रिकामा नेपालले चारवटा अभ्यास खेल खेल्नेछ । त्यसपछि जिम्बावेमा हुने विश्वकपको छनोट प्रतियोगितामा सहभागी हुनेछ ।
यद्यपि, दक्षिण अफ्रिका भ्रमणमा नरहेका सन्दीपले जिम्बावे जाने वा नजाने भन्नेबारे निर्णय भने लिइसकेका छैनन् ।
आफ्नो फेसबुक स्टाटसमा सन्दीपले लेखेका छन्, ‘मलाई तपाईंहरु र तपाईंहरुको क्षमतामा विश्वास छ । तपाईंहरु सबैले नेपालको क्रिकेटलाई यो स्तरमा ल्याएर विश्वलाई आफ्नो सम्भावना देखाइसक्नुभएको छ । अब समय आएको छ कि तपाईंहरुले फेरि आफ्नो क्षमतामा विश्वास गर्ने । जहाँ गए पनि आफ्नो उत्कृष्ट दिनुहोला । टीमलाई अगाडिका लागि शुभकामना र शुभयात्रा ।
सन्दीपले फेसबुकमा लेखेका छन् – ‘मलाई तपाईंहरू र तपाईंको क्षमताहरूमा विश्वास छ । तपाईहरु सबैले क्रिकेटलाई यो स्तरमा ल्याएर विश्वलाई आफ्नो क्षमता देखाउनुभयो । अब तपाइँ सबैको लागि आफ्नो क्षमतामा विश्वास गर्ने समय रहेको छ । तपाईं जहाँ जानुहुन्छ आफ्नो उत्कृष्ट दिनुहोस् । टीमलाई आगामी यात्राका लागि शुभकामना र शुभयात्रा ।’
