विराटनगर । प्रदेश १ पुन: नामांकन संयुक्त संघर्ष समितिले आन्दोलनका क्रममा पक्राउ परेकाहरुलाई नछाडे प्रदेशमा अनिश्चितकालीन हडताल गर्ने चेतावनी दिएको छ ।
प्रहरीले आइतबार विराटनगरमा भएको प्रदर्शनका क्रममा पहिचान पक्षधर ८६ जना नेता–कार्यकर्तालाई पक्राउ गरेको र तीमध्ये ६० जनालाई सोही दिन राति छाडिएको थियो । प्रहरीले अझै २६ जनालाई हिरासतमा राखेको छ ।
प्रदेश १ पुन: नामांकन संयुक्त संघर्ष समितिले विज्ञप्ति जारी गरी आफ्ना नेता तथा कार्यकर्ता तत्काल रिहाइको माग गर्दै माग सम्बोधन नभए बुधबारदेखि अनिश्चितकालीन आमहडताल गर्ने चेतावनी दिएको छ।
