काठमाडौं । धादिङमा भिरबाट लडेर आमा र छोराको मृत्यु भएको छ ।
जिल्लाको बेनिघाट रोराङ २ मासखर्ककी १९ वर्षीया अप्सरा चेपाङ र उनको छोराको भिरबाट लडेर मृत्यु भएको प्रहरीले जनाएको छ।
भिरमा घाँस काट्न जाँदा २ वर्षीय छोरा लडेपछि छोरालाई उद्धार गर्ने क्रममा उनी पनि भिरबाट करिब ५० मिटर तल खसेर मृत्यु भएको प्रहरीले जनायो। उनी ८ महिनाकी गर्भवती थिइन् । उनको पेटमा रहेको बच्चाको पनि मृत्यु भएको छ ।
करिब ४ घण्टापछिको उद्धार गरी उनलाई मलेखु टिचिङ अस्पताल लगिएको थियो । तर अस्पताल पुर्याउने बित्तिकै डाक्टरले आमा र पेटमा भएको बच्चा दुबैलाई मृत घोषित गरेको थियो ।
