• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

आज पनि अहमदाबादमा भारी वर्षाको सम्भावना, खेल हुन नसके कुन टिम च्याम्पियन बन्नेछ ?



एजेन्सी । इन्डियन प्रिमियर लिग (आईपीएल) अन्तर्गत आज रिजर्भ डेमा चेन्नई सुपर किंग्स र गुजरात टाइटन्सबीच फाइनल खेल हुँदैछ । आइतबार अहमदाबादमा पानी परेको थियो जसका कारण खेल हुन सकेन । सोही कारण आज साँझ ७ः४५ बजेदेखि नरेन्द्र मोदी रंगशालामा खेल हुने भएको हो ।

आइतबार जस्तै सोमबार पनि अहमदाबादमा भारी वर्षाको सम्भावना छ । रातिको खेलमा मेघगर्जन र चट्याङसहित पानी पर्ने सम्भावना छ ।

रिजर्भ डेमा पनि वर्षा भएमा के हुन्छ ?
पहिलो अम्पायरले राति ९ः४५ सम्म पर्खनेछन् । यदि यो समयमा खेल सुरु भयो भने, ओभरमा कुनै कमी हुनेछैन । यसपछि प्रत्येक एक घण्टा कम भएमा १४ ओभर घटाइनेछ । (यदि खेल राति १०ः१५ बजे खेल सुरु हुन्छ भने कुल २६ ओभरको खेल हुनेछ । दुबै टोलीले १३–१३ ओभर खेल्नेछन् ।)

खेल राति १२ः१५ बजे सुरु भएमा दुवै टोलीले ५–५ ओभर खेलेर विजेताको टुङ्गो लगाइनेछ ।

राति १२ बजेपछि मैदान सुक्खा भए र खेल्ने सम्भावना देखिएमा सुपर ओभरबाट आइपीएल २०२३ को च्याम्पियनको टुंगो लाग्नेछ ।

वर्षाका कारण खेल नभए गुजरातको टोली च्याम्पियन बन्ने छ किनभने यो टोली २० अंकसहित लिग चरणको शीर्ष स्थानमा छ ।

लिग इतिहासमा पहिलो पटक दुवै टोली फाइनलमा भिड्दैछन् । गुजरातको यो दोस्रो सिजन मात्र हो, गत वर्ष टोली च्याम्पियन बनेको थियो तर चेन्नई भने समूह चरणबाटै बाहिरिएको थियो ।

नरेन्द्र मोदी स्टेडियम गुजरातको घरेलु मैदान हो । यस खेलमा गुजरातले अहिलेसम्म नौ खेल खेलेको छ जसमा उसले छ जित र तीन हार बेहोरेको छ । अर्कोतर्फ चेन्नईले यस मैदानमा अहिलेसम्म तीन खेल खेलेको छ र तीनवटै हार बेहोरेको छ । नरेन्द्र मोदी स्टेडियम पहिले सरदार पटेल स्टेडियम, मोटेरा भनेर चिनिन्थ्यो ।

गत आईपीएल सिजनमा लखनऊ र गुजरातबाट २ नयाँ टोली थपिएका थिए । दुवै प्लेअफमा पुगेपनि गुजरातले उपाधि जितेर सबैलाई चकित बनाएको थियो । यसपटक पनि करिब सोही खेलाडीसहित टोली प्रतियोगितामा प्रवेश गरेको छ । हार्दिक पाण्ड्याको कप्तानीमा रहेको गुजरात उपाधि रक्षा गर्न दबाबमा रहनेछ । टोलीले यो सिजन हालसम्म कुल १६ खेल खेलेको छ (लिग चरण र प्लेअफ), जसमा उसले ११ जित र पाँचमा हार बेहोरेको छ ।

महेन्द्र सिंह धोनीको कप्तानीमा रहेको चेन्नई सुपर किंग्स प्रतियोगिताको सबैभन्दा सफल टोली मध्ये एक हो । टोलीले प्रतियोगितामा मुम्बई (पाँच उपाधि) पछि सबैभन्दा बढी चार पटक उपाधि जितेको छ । १४ सिजन मध्ये १२ पटक प्लेअफ पुगेको चेन्नई १० औं पटक फाइनल खेल्दैछ ।

चेन्नईले यो सिजन हालसम्म खेलेका १५ खेल (लिग चरण र प्लेअफ) मध्ये ९ जित र पाँचमा हार बेहोरेको छ । साथै एक खेल वर्षाका कारण रद्द भएको थियो ।

हेड टु हेडको कुरा गर्ने हो भने दुई टोलीबीच हालसम्म जम्मा चार खेल भएका छन् जसमा गुजरातले तीन पटक र चेन्नईले एक पटक जित हात पारेको छ ।