काठमाडौँ । रेशम चौधरी रिहा भएका छन् । राष्ट्रपतिबाट आम माफी पाएका पूर्वसांसद समेत रहेका चौधरी रिहा भएका हुन् । उनी डिल्लीबजार कारागारबाट सोमबार विहान रिहा भएका हुन् । उनलाई कारागारमा लिनका लागि उनका समर्थक र आफन्त पुगेका थिए ।
टीकापुर घटनामा दोषी ठहर भइ कैद सजाय भोगिरहेका उनीसहित राष्ट्रपतिबाट १९ जनाले आम माफी पाएका छन् । टीकापुर घटनामा संलग्न भएको आरोपमा चौधरीसहित पाँच जना कारागारमा थिए । उक्त घटनामा संलग्न भएको आरोप लागेका अन्य २९ जना हालसम्म फरार छन् । पाँच वर्ष तीन महिना जेल सजाय काटेका चौधरीले १४ वर्ष ९ महिना सजाय छुट पाएका हुन् ।
