काठमाडौँ । काभा महिला भलिबल च्यालेन्ज कप अन्तर्गत नेपाल उज्बेकिस्तानलाई हराउँदै तेस्रो भएको छ ।
काठमाडौंको त्रिपुरेश्वरस्थित राष्ट्रिय खेलकूद परिषद्को कभर्ड हलमा आइतबार भएको खेलमा नेपालले उज्बेकिस्तानलाई ३–१ को सेटले पराजित गर्दै तेस्रो स्थान हासिल गरेको हो ।
तेस्रो स्थानका लागि भएको खेलमा पहिलो सेट उज्बेकिस्तानले जितेको थियो । उज्बेकिस्तानले नेपाललाई २५–२० अंकले हराएको थियो ।
त्यसपछि नेपालले उज्बेकिस्तानविरुद्ध लगातार २५–१६, २५–१५ र २५–१३ अंकले तीन सेट जित्यो ।
यसअघि सेमिफाइनलमा नेपाल काजखस्तानसँग पराजित भएको थियो । उपाधिका लागि आज साँझ भारत र काजखस्तान प्रतिस्पर्धा गर्दैछन् ।
