११ फाल्गुन २०८१, आईतवार
February 23, 2025 Sunday
Latest
सशस्त्र प्रहरीकी इन्सपेक्टर मृत फेला महाशिवरात्रिमा पशुपतिनाथ आउने साधुसन्तलाई आवासीय सुविधा दिइने संविधानलाई समयानुकूल संशोधन गर्नुपर्छ: मुख्यमन्त्री पाण्डे प्रधानन्यायाधीशको नाममा नक्कली ट्विटर आइडी बनाएर प्रचार गरेकाप्रति ध्यानाकर्षण भूमिसम्बन्धी समस्या समाधान गर्न प्रदेश सरकारले सहजीकरण गर्छः मुख्यमन्त्री आचार्य लोकतन्त्रमा राज्य बलियो बनाउन बलिया पार्टी आवश्यक : महासचिव पोखरेल माथिल्लो म्याग्दी जलविद्युत् आयोजना निर्माण सुरु कोशी प्रदेशसभामा विधेयक सर्वसम्मतिले पारित रिङ्कुकुमारी मृत्यु प्रकरण: आठ जना प्रहरी नियन्त्रणमा प्रधानाध्यापकहरुसँग प्रमुख र उपप्रमुखको अन्तरक्रियात्मक संवाद
तपाईं के खोज्दै हुनुहुन्छ ?

अहमदाबादमा वर्षाका कारण खेल रद्द भयो भने के हुन्छ ?



अ+ अ-

एजेन्सी । इन्डियन प्रिमियर लिग (आईपीएल) २०२३ मा आज गुजरात टाइटन्स र मुम्बई इन्डियन्स क्वालिफायर २ मा आमनेसामने हुँदैछन् । अहिलेसम्म दुवै टोली तीन पटक आमनेसामने भएका छन् । मुम्बईले तीनमध्ये दुई खेल जितेको छ भने गुजरातले एउटा मात्र जितेको छ । यद्यपि, मौसम चिन्ताको विषय बनेको छ ।अहमदाबादमा वर्षा भयो भने, गुजरातलाई फाइदा हुन सक्छ ।

पानी परेमा अतिरिक्त समय राखिन्छ । वर्षा रोकिनका लागि लामो पर्खाइ गरिनेछ । कम्तिमा पाँच–पाँच ओभरको खेल हुनुपर्ने निर्णय छ । त्यसपछि पनि वर्षा रोकिएन भने खेलको अवस्था सकिनै लाग्दा पानी रोकिएपछि सुपरओभर अर्थात एक ओभरको खेलबाट नतिजा निकाल्ने प्रयास गरिन्छ । प्लेअफ खेलहरूको लागि कुनै पनि रिजर्भ डे राखिएको छैन । यस्तो अवस्थामा खेलको नतिजाको निर्णय सोही दिन हुने निश्चित छ ।

खेल हुन नसकेमा लिग राउण्डमा दुवै टोलीको स्थानले विजेताको टुंगो लगाउने छ । अर्थात् लिग राउण्डमा कुन टोली कुन स्थानमा थियो त्यसबाट नै विजेता तय गरिनेछ । शीर्षमा रहेको टोलीलाई विजेता घोषित गरिन्छ र त्यो टोली अर्को राउन्डमा पुग्छ । अर्थात् यसमा गुजरातलाई फाइदा हुनेछ, किनभने उ अंक तालिकाको शीर्ष स्थानमा थियो । मुम्बई इन्डियन्स भने अंक तालिकाको चौथो स्थानमा रहेको थियो । तसर्थ अंक तालिकाको शीर्ष स्थानमा रहेको गुजरातलाई फाइनल पुग्न फाइदा हुनेछ ।

अहमदाबादमा आज पानी पर्ने सम्भावना कम छ । मौसम सफा रहने र खेलको सुन्दर अवस्थाको अपेक्षा गरिएको छ । मौसम विभागको अनुमान छ कि मे २६ (शुक्रबार) अहमदाबादमा दिनको अधिकतम तापक्रम ४१ डिग्री सेल्सियस र रातको न्यूनतम तापक्रम २९ डिग्री सेल्सियस हुनेछ । आकाश दिन र रात दुवै समय सफा हुनेछ ।

दिनमा २३ प्रतिशत र राति १६ प्रतिशत पानी पर्ने सम्भावना छ । यस्तो अवस्थामा वर्षाले खेलमा केही प्रभाव पार्न सक्छ । यद्यपि, आज अहमदाबादको अवस्था खेलका लागि उपयुक्त हुनेछ भन्न सकिन्छ ।