काठमाडौँ । जनता समाजवादी पार्टी (जसपा) की सांसद मञ्जु शर्मा अन्सारीले नागरिकता विधेयकबारे प्रधानमन्त्री पुष्पकमल दाहाल प्रचण्डले गोलमटोल नीति लिएको आरोप लगाउनुभएको छ ।
प्रतिनिधिसभाको मंगलबारको बैठकको शून्य समयमा नागरिकता विधेयकबारे बोल्दै उहाँले भन्नुभयो, “अस्ति प्रधानमन्त्रीको जवाफ बोली जुन सुनियो त्यसमा गोलमटोल जस्तो लाग्यो ।”
नागरिकताबिना गोडा सार्न समेत अप्ठ्यारो हुने अवस्था रहेको उहाँको भनाइ थियो । नेपालमा जन्मिएर पनि नागरिक हुन नसकेको/नपाएको भन्दै उहाँले यो देशमा यो कस्तो बिडम्बना हो भनी प्रश्न गर्नुभयो ।
जतिसक्दो छिटो नागरिकता विधेयक ल्याउन र जन्मका आधारमा नागरिकता लिएकाका सन्तानलाई नागरिकता दिलाउन उहाँले माग गर्नुभयो ।
