काठमाडौँ । प्रधानमन्त्री पुष्पकमल दाहाल प्रचण्डले भुटानी शरणार्थी प्रकरणमा भएको भ्रष्टाचारमात्र नभई अहिलेसम्म भएका विगतका ठुला भ्रष्टाचारको फाइल खोल्ने बताउनुभएको छ।
प्रतिनिधिसभाको बिहीबारको बैठकमा सांसदहरुले राखेको प्रश्नको जवाफ दिने क्रममा उहाँले भन्नुभयो, “नक्कली भुटानी शरणार्थी प्रकरण मात्रै होइन। अन्य ठूलाठूला विवादित घटनाको छानबिन हुन्छ। सम्पत्ति शुद्धीकरणको केसलाई पनि छानबिन गरेर दोषीलाई कारबाही गर्छौँ। राजस्वमा भएको चलखेललाई छानबिन गर्ने कुरा। पुँजी बजारमा भएका सेटिङलाई पनि भत्काउने काम सुरु गरेका छ।’
भ्रष्टाचारको विषयमा आवश्यक परे ऐन संशोधनदेखि निर्माणलाई पनि अगाडि बढाउने उहाँको भनाइ थियो । प्रधानमन्त्री प्रचण्डले संस्थागत भ्रष्टाचारको कारणले देश अप्ठ्यारो ठाउँमा गएको भन्दै आफूलाई सच्याउन अवसर भएकाले राजनीतिक दललाई एकजुट हुन आह्वान गर्नुभयो ।
