काठमाडौँ । प्रधानमन्त्री केपी शर्मा ओलीले मन्त्रिमण्डलमा हेरफेर गरेका छन् ।
आज (बिहीबार) प्रधानमन्त्री ओलीले ७ मन्त्री तथा १ राज्यमन्त्री थप गरी २५ सदस्यीय मन्त्रिपरिषद बनाएका हुन् । संविधानले बढीमा २५ सदस्यीय संघीय सरकार गठन गर्नसक्ने व्यवस्था गरेको छ ।
नवनियुक्त मन्त्रीहरुले आज अपरान्ह ४ बजे शीतल निवासमा शपथ लिने कार्यक्रम तय भएको राष्ट्रपतिका प्रेस सल्लाहकार टीका ढकालले जानकारी दिए ।