काठमाडौँ । अस्वस्थ रहनुभएका राष्ट्रपति रामचन्द्र पौडेलले सरकारको नीति र कार्यक्रम वाचन पूरै वाचन गर्न नसक्ने भएपछि प्रधानमन्त्रीले नै वाचन गर्ने तयारी भएको छ ।
यही जेठ ५ गते सरकारले संसद्मा सरकारको नीति तथा कार्यक्रम प्रस्तुत गर्दैछ । मङ्गलबार बिहान बालुवाटारमा सभामुख देवराज घिमिरेसँगको भेटमा प्रधानमन्त्री पुष्पकमल दाहाल प्रचण्डले जेठ ५ गते सरकारको नीति तथा कार्यक्रम संसद्मा प्रस्तुत हुने जानकारी गराउनुभएको थियो ।
राष्ट्रपतिले नै सरकारको नीति तथा कार्यक्रम वाचन गर्ने प्रचलन छ। तर, यस पटक राष्ट्रपति रामचन्द्र पौडेल अस्वस्थ्य भएकाले प्रधानमन्त्रीले पढ्नेबारे छलफल भइरहेको बताइएको छ ।
भारतबाट उपचार गराई स्वदेश फर्किनुभएका राष्ट्रपतिको स्वास्थ्यमा पूर्णरुपमा सुधार आइसकेको छैन । यस्तो अवस्थामा राष्ट्रपति पौडेलले अलिकति सुरु गरेर प्रधानमन्त्री प्रचण्डले सरकारको नीति तथा कार्यक्रम वाचन गर्नेबारे छलफल भइरहेको हो ।
