एजेन्सी । इन्डियन प्रिमियर लिग (आईपीएल) अन्तर्गत आज दोहोरो हेडर खेल हुँदैछ । आजको दोस्रो खेल चेन्नई सुपर किंग्स र कोलकाता नाइट राइडर्सबीच खेल हुँदैछ ।

यी दुई टोलीबीचको खेल चेन्नईको एमए चिदम्बरम स्टेडियममा बेलुका ७ः४५ बजे सुरु हुनेछ ।

यो खेल जितेर चेन्नई प्लेअफमा प्रवेश गर्ने पहिलो टोली बन्नेछ भने कोलकाता प्लेअफको दौडबाट बाहिरिने छ । त्यसैले कोलकाताका लागि यो गर या मरको प्रतिस्पर्धा हो । दुवै टोली सिजनमा दोस्रो पटक भिड्दैछन् । यसअघि दुवै ३३औं खेलमा आमनेसामने भएका थिए । जसमा चेन्नई ४९ रनले विजयी भएको थियो ।

आजको पहिलो खेल राजस्थान रोयल्स र रोयल च्यालेन्जर्स बैंग्लोरबीच जयपुरको सवाई मानसिंह स्टेडियममा हुनेछ । यो खेल दिउँसो ३ः४५ बजे सुरु हुनेछ ।

चेन्नईले यो सिजन अहिलेसम्म १२ खेल खेलेको छ । जसमा उसले सात खेलमा जित र चार खेलमा हार बेहोरेको थियो भने एक खेल वर्षाका कारण अनिर्णित रह्यो । टोलीको हाल १५ अंक छ । डेभन कोनवे, मोइन अली, महिश तिक्षाना र मिचेल सेन्टनर कोलकाताविरुद्धको टोलीका ४ विदेशी खेलाडी हुन सक्छन् । यी बाहेक तुषार देशपाण्डे, ऋतुराज गायकवाड र रविन्द्र जडेजाजस्ता खेलाडी उत्कृष्ट लयमा छन् ।

कोलकाताले यो सिजन हालसम्म खेलेका १२ खेलमध्ये ५ जित र ७ हारेको छ । टोलीको १० अंक छ । चेन्नई विरुद्धको टोलीका ४ विदेशी खेलाडी जेसन रोय, रहमानउल्लाह गुरबाज, आन्द्रे रसेल र सुनिल नारायण हुन सक्छन् । यी बाहेक वरुण चक्रवर्ती, वेंकटेश अय्यर र रिंकु सिंहले टोलीका लागि उत्कृष्ट प्रदर्शन गरिरहेका छन् ।

हेड टु हेडको कुरा गर्ने हो भने चेन्नई र कोलकाताबीच अहिलेसम्म कुल २८ खेल खेलिएको छ । जसमध्ये १८ खेल चेन्नई र ९ खेल कोलकाताले जितेको छ । यस्तै, एक खेल अनिर्णित रह्यो । चेपौकमा कोलकाताको कीर्तिमान झनै खराब छ । यहाँ यी दुईबीच ९ खेल भएका थिए जसमा केकेआरले २ मात्रै जित्न सकेको थियो । यस मैदानमा चेन्नईले ७ खेल जितेको छ ।

चेन्नईको चेपौक स्टेडियमको पिचमा स्पिन बलरहरूको प्रभुत्व रहेको छ भने ब्याट्सम्यानलाई यो पिचमा रन बनाउन निकै गाह्रो छ । चेन्नईमा आइतबारको मौसम तातो हुने भएको छ । यहाँको तापक्रम ३० देखि ३९ डिग्री सेल्सियससम्म रहनेछ ।

दुबै टिमका सम्भावित सुरुवाती ११
चेन्नई सुपर किंग्सः महेन्द्र सिंह धोनी (कप्तान र विकेटकीपर), डेभोन कोनवे, ऋतुराज गायकवाड, अजिंक्य रहाणे, अम्बाती रायडु, शिवम दुबे, मोइन अली, रविन्द्र जडेजा, महिश तिक्षाना, तुषार देशपांडे र दीपक चाहर ।

कोलकाता नाइट राइडर्सः नितिश राणा (कप्तान), जेसन रोय, वेंकटेश अय्यर, रहमानउल्लाह गुरबाज (विकेटकिपर), आन्द्रे रसेल, सुनिल नारायण, रिंकु सिंह, अनुकुल रोय, शार्दुल ठाकुर, हर्षित राना र वरुण चक्रवर्ती ।

अंकतालिकाः