एजेन्सी । क्रिकेट मैदानमा युजवेन्द्र चहल एक रोचक पात्र हुन् । मैदानमा ब्याट्सम्यानलाई उनको बल खेल्न गाह्रो भएतापनि खेलबाहिर पनि उनी उत्तिकै रमाइला छन् । लिग सुरु हुनु अघि, राजस्थान रोयल्सले एक भिडियो साझा गर्यो जसमा उनी जोय रुटसँग पञ्जाबी गीतमा नाचिरहेको देखिन्छ ।
आइतबार रोयल च्यालेन्जर्स बैंगलोरसँगको खेलअघि नै चहलको रुटसँगको भिडियो भाइरल भएको थियो जुन निकै हास्यास्पद छ ।
इडेन गार्डेनमा कोलकाता नाइट राइडर्ससँगको खेल खेलेर राजस्थानको टोली जयपुर पुग्दा चहल विमानस्थलमा रुटसँग रमाइलो गरिरहेको देखिन्छ । राजस्थानले एउटा भिडियो सेयर गरेको छ जसमा चहललाई रुटको सुटकेसमा बसेको देख्न सकिन्छ । यस क्रममा रुट ट्रली समातेर अगाडि बढिरहेका थिए । यस क्रममा ट्रली ढलानमा तीव्र गतिमा गुड्छ र चहल अगाडि दौडिरहेका खेलाडीसँग ठोक्किन्छन् । यसपछि सबै खेलाडी हाँस्न थाले ।
इडेन गार्डेनमा कोलकाता (केकेआर) विरुद्धको अन्तिम खेलमा चहलले इतिहास रचेका थिए । उनले खेलमा चार विकेट लिए र आईपीएल इतिहासमा सर्वाधिक विकेट लिने खेलाडी बने । उनले यस मामिलामा वेस्ट इन्डिजका ड्वेन ब्राभोलाई पछाडि छोडे । चहलको नाममा १८७ विकेट छन् भने ब्राभोले १८३ विकेट लिएका छन् । कोलकाताविरुद्ध नितिश राणाको विकेट लिएर चहलले कीर्तिमान बनाएका हुन् । चहल र ब्राभो पछि पियुष चावला (१७४), अमित मिश्रा (१७२) र रविचन्द्रन अश्विन (१७१) छन् ।
Suitcase wali taxi, Yuzi bhai sexy! 😍😂 pic.twitter.com/zJsVhHBBfV
— Rajasthan Royals (@rajasthanroyals) May 12, 2023
