विराटनगर । हालसालै सम्पन्न एसिसी प्रिमियर कप जितेर एसिया कपमा स्थान पक्का गरेर ऐतिहासिक सफलता चुमेको नेपाली राष्ट्रिय क्रिकेट टोलीलाई विराटनगरमा सम्मानसहित नगर परिक्रमा गराइएको छ।
नेपाल उद्योग वाणिज्य महासंघ कोशी, उद्योग संगठन मोरङ र मोरङ व्यापार संघले क्रिकेट टोलीलाई ट्रफिसहित बजार परिक्रमा गराएको हो ।
राष्ट्रिय टोलीका प्रमुख प्रशिक्षक मोन्टी देसाई, कप्तान रोहित पौडेल, सोमपाल कामी, ज्ञानेन्द्र मल्ल, लोकल ब्वाइ ललितसहितका खेलाडीहरू सहभागी थिए । उनीहरुलाई विराटनगर कञ्चरबारीबाट बरगाछी–तीनपैनीबाट रोडशेषहुँदै महेन्द्रचौकदेखि बरगाछीसम्म बजार परिक्रमा गराइएको थियो ।
