काठमाडौँ । नेकपा (एमाले) को केन्द्रीय सचिवालय बैठकमा नक्कली भुटानी शरणार्थी प्रकरणमा जोडिएका पार्टी सचिव टोपबहादुर रायमाझीबारे छलफल हुने भएको छ ।
एमाले केन्द्रीय कमिटीको बैठक यही वैशाख २८ गतेबाट सुरु हुँदैछ । बैठकमा विशेषगरी समसामयिक राजनीति र विकसित घटनाक्रमका बारेमा छलफल हुने र नक्कली भुटानी शरणार्थी प्रकरणमा मुछिएका पार्टी सचिव रायमाझीका बारेमा पनि छलफल हुने बताइएको छ ।
नक्कली भुटानी शरणार्थी प्रकरणमा एमाले सचिव समेत रहेका नेता रायमाझी समेत संलग्न भएको प्रहरीको निष्कर्षपछि अदालतले उनीविरुद्ध पक्राउ पुर्जी जारी गरेको थियो ।
तर उहाँ अहिले फरार हुनुहुन्छ । पक्राउ पुर्जी जारी भएपछि पनि रायमाझी पक्राउ नपरेको भन्दै पार्टीको चर्को आलोचना भइरहेको छ ।
एमालेकै कतिपय नेताले समेत रायमाझीले अदालतमा उपस्थित भएर अनुसन्धानमा प्रहरीलाई सहयोग गर्नुपर्ने बताउँदै आएका छन् ।
