एजेन्सी । इंगिलस प्रिमियर लिग फुटबल अन्तर्गत नटिङहम फरेस्टले जित निकालेको छ । गएराति भएको खेलमा नटिङहमले साउथह्याम्प्टनलाई घरेलु मैदानमा ४–३ गोलले हराएको हो ।
नटिङहमलाई जित दिलाउन ताइओ एओनीइले दुई तथा मोर्गान गिब्स ह्वाइट(पेनाल्टीमा) र डानिलोले एक–एक गोल गरे । साउथह्याम्प्टनका कार्लोस अल्काराज, ल्यान्को र जेम्स वार्ड प्रोसेले (पेनाल्टीमा) गोल गरेपनि टोलीको हार टार्न सकेनन् ।
यो नतिजासँगै नटिङहम ३५ खेलबाट ३३ अंकका साथ तालिकाको १६ औं स्थानमा रहँदा साउथह्याम्प्टन समान खेलबाट २४ अंकका साथ पुछारमा छ । यो हारपछि साउथह्याम्प्टन रेलिगेसनमा पर्ने लगभग निश्चित भएको छ ।
