काठमाडौँ । एसीसी मेन्स प्रिमियर कपको फाइनल खेलमा युएईविरुद्ध नेपालले ऐतिहासिक जित हात पारेको छ । युएईलाई ७ विकेटले पराजित गरेसँगै नेपालले सन् २००२ पछि पहिलो पटक एसिया कपमा स्थान बनाएको छ ।
नेपालको ऐतिहासिक जितमा गुल्शन झा ‘प्लेयर अफ द’ म्याच बनेका छन् । गुल्शन ३ चौका र ६ छक्का प्रहार गर्दै ६६ रनमा नटआउट रहे । साथै, सोमबार भएको खेलमा उनले एक विकेट लिएका थिए । उनले युएईका बासिल हमिदलाई आउट गराएका थिए ।
सातौ ओभरको अन्तिम बलमा रोहन मुस्ताफाको हातबाट कप्तान रोहित पौडेल आउट भएसँगै २२र३ को अवस्थामा पुगेको नेपालको लागि गुल्शन र भीम सार्कीले उत्कृष्ट साझेदारी गरे । उनीहरुले ९२ रनको अविजित साझेदारी गरेका थिए ।
एसिया कप आगमी सेप्टेम्बरमा पाकिस्तानमा हुनेछ । समूह ए मा नेपाल, भारत र पाकिस्तान हुनेछन् । समूह बी मा बंगलादेश, श्रीलंका र अफगानिस्तान छन् ।
