काठमाडौँ । राष्ट्रिय स्वतन्त्र पार्टी (रास्वपा) ले सरकारलाई दिएको समर्थन फिर्ता लिने वा सरकारमा सहभागी हुनेबारे आगामी शुक्रबार निर्णय गर्ने भएको छ ।
पार्टी केन्द्रीय कार्यालय बसुन्धरामा अहिले बसिरहेको केन्द्रीय कमिटीको बैठकले सरकारलाई दिएको समर्थन फिर्ता लिने वा नलिनेभन्नेबारे शुक्रबार केन्द्रीय कमिटी र संसदीय दलको बैठकले निर्णय गर्ने एक केन्द्रीय सदस्यले न्युजपोलारलाई बताउनुभएको छ ।
आजै अपराह्न ३ बजे पार्टी रास्वपा संसदीय दलको बैठक बस्दैछ । बैठकले संसदीय दलको नेतामा पार्टी सभापति रवि लामिछानेलाई चयन गर्नेछ ।
संसदीय दलको नेताबाट डिपी अर्यालले राजीनामा दिएपछि हाल उक्त पद खाली छ । अर्यालले पार्टी सभापति लामिछाने नै दलको नेता हुनुपर्ने भन्दै राजीनामा दिनुभएको थियो ।
