एजेन्सी । आईपीएलमा शनिबार गुजरात टाइटन्सले कोलकाता नाइट राइडर्सलाई उसैको घरेलु मैदानमा ७ विकेटले पराजित गर्यो । यो जितसँगै गुजरातको टोली अंक तालिकाको शीर्ष स्थानमा उक्लिएको छ ।
कोलकाताको इडेन गार्डेन रंगशालामा भएको खेलमा गुजरातले टस जितेर बलिङ गर्ने निर्णय गरेको थियो । पहिले ब्याटिङ गरेको कोलकाताले २० ओभरमा ७ विकेट गुमाएर १७९ रन बनाएको थियो । गुजरातले १७.५ ओभरमा ३ विकेट गुमाएर १८० रनको लक्ष्य भेट्टायो ।
खेलमा इडेन गार्डेन रंगशालामा आन्द्रे रसेलले घण्टी बजाएका थिए । आन्द्रे रसेलले इडेन गार्डेनको घण्टी बजाए । इंग्ल्याण्डको लर्ड्स जस्तै इडेन गार्डेन स्टेडियममा पनि खेल सुरु हुनुअघि घण्टी बजाउने चलन छ । रसेलले शनिबार केकेआरका लागि आफ्नो १००औँ खेल खेले । जसका कारण गुजरातविरुद्धको खेलमा रसेलले घण्टी बजाएका थिए । समारोहमा, रसेलसँग धेरै व्यवस्थापन सहकर्मीहरू उपस्थित थिए ।
