काठमाडौँ । नेपाल नागरिक उड्डयन प्राधिकरणले फ्लाई दुबईको विमानमा चरा ठोक्किएको भनी भ्रम फैलाउने उक्त विमानका दुई म्यानेजरलाई कारबाही गरेको छ ।
प्राधिकरणले चरा ठोक्किएको प्रमाण नभेटिएको र भ्रम फैलाएको ठहर गर्दै दुई म्यानेजरलाई कारबाही गर्दै विमानस्थल प्रवेशमा रोक लगाई उनीहरूको एयरपोर्ट पास समेत निष्क्रिय पारेको छ ।
कारबाहीमा पर्नेमा फ्लाई दुबईका कन्ट्री म्यानेजर र एयरपोर्ट म्यानेजर रहेका छन् ।
सोमबार राति ९ः२० बजे काठमाडौंस्थित त्रिभुवन अन्तर्राष्ट्रिय विमानस्थलबाट उडेको जहाजको एउटा इन्जिनमा समस्या आएपछि आगोको झिल्को र ठूलो आवाज आएको थियो।
तर दुबईको आधिकारिक पेजबाट उक्त जहाजमा चरा ठोक्किएको उल्लेख थियो । एउटा इन्जिनमा समस्या आए पनि उक्त जहाज दुबई पुग्ने अवस्थामा भएकाले गन्तव्यका लागि उडेको थियो ।
“हिजो रातिको फ्लाई दुबई फ्लाइट नम्बर एफडिजेड ५७६ काठमाडौं९दुबई उडानमा चरा ठोक्किएको भनेर भ्रमपूर्ण समाचार फैलाएकाले फ्लाई दुबईका कन्ट्री म्यानेजर र एयरपोर्ट म्यानेजरलाई विमानस्थल प्रवेशमा रोक लगाई उनीहरूको एयरपोर्ट पास समेत निष्क्रिय पारिएको छ”, प्राधिकरणले भनेको छ।
